ملك أعــرج

يحـــكى أنه كان يوجد ملك أعــرج ويرى بعين واحدة
وفي أحد الايام.... دعا هاذا الملك [فنانيـن] ليرسموا له صورة شخصية بشرط أن "لاتظهر عيوبه" في هذه الصورة

فرفض كل الفنانيــن رسم هذه الصورة !
فكيف سيرسمون الملك بعينين وهو لايملك سوى عين واحدة ؟
وكيف يصورونه بقدمين سليمتين وهو أعرج ؟
ولكن...
وسط هذا الرفض الجماعي (قبل أحد الفنانين رسم الصورة)
وبالفعل رسم صوره جميلة وفي غايــة الروعة
كيف ؟؟
تصور الملك واقفاً وممسكاً ببندقيــــة الصيد (بالطبع كان يغمض إحدى عينيه) ويحني قدمـــه العرجاء

وهــكذا رسم صورة الملك بلا عيــوب وبكل بساطـة
همسه
{ليتنا نحاول أن نرسم صوره جيدة عن الآخرين} مهما كانــــــــــــت عيوبهم واضحة..
وعندما ننقل هذه الصورة للناس... نستر الأخطاء
فلا يوجد شخص خال من العيوب
فلنأخذ الجانب الإيجابي داخل أنفسنا وأنفس الآخرين ونترك السلبي فقط لراحتنا وراحة الآخرين.

عزيزتي هيفاء وهبي!! ..

قاعد باتفسح عالشبكه العونكبوتيه .. والاقي كل الاخبار بتؤكد ان هيفاء وهبي اتجوزت
!!!!!!!!
ازاي ؟؟؟
بتاع ايه ؟؟؟
!!! لأ طبعا .. دي اشاعه
هيفاء وهبي اصلا مش ملك نفسها عشان تتجوز .. هيفاء وهبي ملك الشباب كلهم !!!
.. وباعتباري شاب - حاليا - قررت ابعتلها جواب .. أشتفسر عن الموضوع ده
----
.. عزيزتي هيفاء وهبي
ايه بقى .. ها .. ايه ؟؟؟
ليه يعني ؟؟؟؟؟؟؟
ليه ياهيفا تكسري بقلبي وتتجوزي .. ليه !!؟؟؟
انا عارف ان قلبك كبير .. وكبير بطريقه مبالغ فيها كمان - قصدي قلبها والنعمه - ويشيل من الحبايب عشرطاشر مليون الف شاب .. لزومه ايه الجواز بقى !!!!!؟؟؟؟؟؟




ياهيفا ده ساعة ماشفتك اول مره في الكليب بتاع قالولي عنه كلام .. لما كنتي لابسه فستان لون جلد النمر .. ساعتها حبيت كل النمور .. مش النمور بس .. نمور وأسود .. وفهوده

ده انا حبيت السلعوة ياشيخه
!!!!!!!!!!!!!!!!!!!!!!!!!!!!!



بلاش دي .. فاكره اغنية اقول اهواك تتكابر .. لما كنتي لابسه فستان احمر وبتغني تحت المطره .. اهو من ساعتها وكل ما الدنيا تمطر اقوم نازل ماشي باهيم على وشي في الشوارع .. على امل اني اشوفك وانتي بتقولي .. جلبك تلج جلبي نار
!!!!!!!!!!!!!!!!!!!!!!!!!!!!!



عارفه ياهيفا .. ساعة لما عملتي اغنية رجب حوش صاحبك عني .. قطعت علاقتي بكل اللي اسمهم رجب .. لدرجة ان في واحد صاحبي اسمه تامر رجب لقاني مطنشه ومش باتصل بيه .. ولما كلمني بيفهم ايه الحوار .. قلتله شوف ابوك عمل ايه يا محترم
!!!!!!!!!!!!!!!!!!!!!!!!!!!!!





ولما غنيتي يا واد ياتقيل .. يالهوي .. انتي الوحيده اللي خليتيني اقول مش هعمل دايت وخليني تخين وتقيل زي مانا كده .. وفضلت آكل لغاية ماتقلت عالميزان بتاع البيت ومابقاش بيعرف يجيب وزني صح .. وبقيت باوزن بره
!!!!!!!!!!!!!!!!!!!!!!!!!!!!!



ولا لما حصل حوار الطياره اللي رشقت فيكي ودخلتي المستشفى ساعتها .. انتقلت للرفيق الاعلى .. ومارجعتش للحياه غير لما الكليب بتاعك نزل
!!!!!!!!!!!!!!!!!!!!!!!!!!!!!!


يا هيفا انا من ساعة اغنية بوس الواوا وانا ماشي في الشارع باشوف أي حد متعور اجري ابوس واوته .. لدرجة اني فكرت اتطوع في أي مستشفى وابقى في الاستقبال عشان ابوس واوات كتير .. وبالرغم من اني مش فاهم يعني ايه ليك الواوا .. بس أي واوا كانت بتقابلني كنت باليكها وش
!!!!!!!!!!!!!!!!!!!!!!!!!!!!!!!


وبعدين انا راضي ذمتك .. أنهي الاحسن .. تبقي مسز ابو هشيمه .. ولا
مسز ميموز !!؟؟؟
... طب ده حتى اسم ابو هشيمه عامل زي ابو سريع .. ابو دومه .. انما ميموز
!!!! ده الدلع ميموز .. الوظوظه ميموز .. الرقه ميموز .. ماعرفش رقة ازاي بس برقه برضوا








!!!!!! ومين اصلا ابو هشيمه ده اللي تتجوزيه ..
!!!!!!!!!!

ولا اكمنو شغال في حديد التسليح يبقى خلاص
طب مانا اصلا متخرج من قسم حديد في الكليه .. وكنت يوماتي باقرقش سيخين حديد على غيار الريق
واساسا بافكر استغنى عن شغل الحديد في التسليح .. وهلجأ للطبيعه وهسلّح بزعازيع القصب
وهعمل امبراطورية زعازيع .. لن يستطيع احد زعزتها
!!!!!!!!!!!!!!!!!!!!!!!!!!!!


وايه الفرح ابو تسعه مليون زورار ده .. اهو الريس طلع في التلفزيون وقعد يقول ان جوزك من رجال الاعمال المستفزين اللي بيغيظو العالم الغلابه .. أي نعم مصاريف موكب الريس والحراسه الخاصه بيه في الشهر .. اكتر من التسعه مليون زورار بتوع فرحك .. بس ده الريس .. ودي مصاريف شهر بحالو .. مش يوم
!!!!!!!!!!!!!!!!!!!!!!!!







وبعدين انتي مابتفكريش لقدام ياهيفا .. آه والله .. بالك لو كنت اتجوزتك .. كنت هعمل فرحك في مركز شباب عين الصيره .. واجيب المطرب ابراهيم عبرازق - بتاع اغنية أوعى الزغروف - يشدو بروائعة الفنيه في هاذوها الليله البهيه .. وكان هيبقى فرح على ابوه .. فرح تحكي وتتحاكى عنه الاجيال الغابره .. لكن هنقول ايه .. كل تفكيرك ورا
!!!!!!!!!!!!!!!!!!!!!!!!!!!!


واساسا اساسا بقى .. الجواز ده باطل .. ايوا باطل .. فرح ايه ده اللي مافيهوش ولا صورة ليكي وانتي بترقصي .. ولا حتى وانتي بترمي حزمة البصل على صاحباتك !!!؟؟؟؟
!!!
ايوه باطل .. لأن ماحصلش الإشهار الأعلامي للحدث
.. وبالتالي باطل .. ومش بعيد كمان كام يوم اعمل جروب عالفيس بؤ اسمّيه
جواز هيفا من ابو هشيمه باطل .. بااااطل !!



.. وهنشر صورتك معايا .. وبالتالي هعمل الاشهار الاعلامي وتبقي مراتي فعلا
قولي بقى انك مش فاكره صورتنا مع بعض .. صورة فرحنا يابت .. مش فاكراها ولا ايه !!؟؟
.. طيب .. أهي ياستي


قولي بقى اني عاملها فوتوشوبش .. ماهو انتو أي حاجه تقولو فوتوشوبش وخيال علمي !!!!!
بلاش الصورة دي .. الكليبات بتاعتك اللي عندي عالجهاز .. واللي موجودين في فولدر اسمه المودام .. دول برضه خيال علمي ؟؟؟؟؟:15:

طب عليّ الطبيخ بالطماطم .. ويمين معصّج باللحمه المفرومه .. إن ما ارتجعتي ياهيفا عن اللي عملتيه .. هنقل كليباتك للفولدر بتاع حريمي القديمه .. وتبقي مع اخواتك .. نانسي عجرم ومنى زكي وحلا شيحه و.. وسنيّه لاكيه



مين سنيّه لاكيه اللي عندي عالكومبوتر دي !!!!!؟؟؟؟؟:15:

وأخيرا .. نصيحتي ليكي يابنت الحلال .. اطلبي الطلاق للضرضره
بس ياخوفي .. ابو هشيمه يطلقك بسيخين تلاته .. ويقولك ده المؤخر
!!!!!!

•·.·°¯`·.·• (صباحك سمبتيك) •·.·°¯`·.·•

صباح الصباح ياصباح

حد قالك قبل كده الكلمة دي

•·.·°¯`·.·• (صباحك سمبتيك) •·.·°¯`·.·•

طب انت شايف ان صباحك كل يوم بيبقى سمبتيك فعلا

وانت قايم منعكش.10.وضارب بوز ,, وعنيك منفخه .6.


والجل مبوظ شعرك ومخليه زي كأنك قايم من وسط كوم تراب:?2:

وانتي قايمه من الكابوس بتاع طول الليل شعرك واقف.5.

وريحة العرق اوووووف (ايه القرف ده الله يحرقك).15.


سمبتيك سمبتيك يعني:h6:

طب بلاش

بلاش نتكلم ف ده عشان ده احنا بدون رتوش او تجميل


تعالى نخلي صباحك سكر او صباحك سمبتيك

بفكر كتير قوي ف معنى الكلمه لما بتتقال صباحك سكر

اكيد يعني مش اول ماصحيت امي حطتني ف كبايه ودوبت معايا 3 معالق سكر:6:


معناها انك تكون قايم ووشك مبتسم للحياة ومقبل عليها:1:

ومتبتسم ف وش اخوك ,, اختك ,, امك ,, جارك ,, وتقوله

:?6:صباحك سكر:?6:

ده الرسول عليه الصلاة والسلام قال "تبسمك في وجه اخيك صدقه"

اولى ليك بقا انك كل يوم ياعم تاخد صدقة وحسنة من كل واحد بتقابله

ببلاش ياعمي اهه خليها اول يوم ابتسامة صفرا :70:

تاني يوم حاول ترسمها وانت من جواك بتقول وهييجي منين السكر.8.

يوم ورا يوم هتعود نفسك ع الابتسامة دي ومش هتفارقك.18.

طب نبدأ ده كله منين

النوم

النوم حاجه ضرورية جدا ومفيده لي بتساعد ع اراحه القلب والدماغ
وبتجدد افراز الهرمونات الحيوية اللي بتساعد ع تجديد نشاط الجسم

عشان عضلة الفك تفك بس وتعرف تبتسم برضه مش تنام وخلاص

يعني متروحش السرير مثلا وانت ضارب بوز وواخد وصلة تواشيح اخر اليوم بالليل

لانك زي ماهتنام زي ماهتقوم ويمكن العن انت جاي تدينا حصة نصايح قبل النوم ياعم انت:1:

لا ياعمي

انا شكلي هيست تقريبا فخرجت بره الموضوع تعالى نرجع تاني

الواحد مننا اساسا حاسس انه ف دايره:1: لدرجه اني كرهت الدايرة ورسمتها

حياتنا كلها دواير دواير

تحس ان اليوم معموله paste و copy

خرجنا م النصايح دخلنا ف الاحباط روح ياشيخ منك لله??1 ياعم روق بس انا بستفزك :2:

عايز اشوف هتفضل مبتسم ولا لأ:50:

ابتسم ابتسم

هو انت يعني لو كشرت وجزيت ع سنانك قوي :?2:

الدواير دي هتتغير ,, ولا يمكن هتقوم الصبح تلاقي كل اللي نكدوا عليك بالليل انتحروا

بسبب انهم ادركوا انهم ظلموك ونكدوا عليك عيشتك

روق كده وابتسم


لما تلاقي نفسك مش قادر تستوعب كل اللي بيحصل حواليك
... ابتسم ...
انت لسه عاقل برضه

لما تلاقي نفسك بتقرب خطوة وفجأة تلاقيك بعدت عشرة
...... ابتسم ....
كل اللي حواليك محبطين اساسا

لما تلاقي نفسك بتعمل اللي عليك عشان تفضل هادي ومتزن
... ابتسم ....
عشان انت حواليك حساد كتير مش هيسيبوك


بعد ماتقرا الموضوع ده وتخرج وانت مش فاهم برضه
..... ابتسم ....
لان صاحب الموضوع نفسه مش فاهم

مشوار البوسة (التطور الطبيعي)

البوسة الهادفة


أول ما يتعلم الطفل في مصر بعد البصق على الآخرين(تف على اونكل يا حبيبي) هي البوسة
في الغالب تأخذ البوسة أسماء متعددة
فهي القبلة باللغة العربية
وهي (إدي لعمو كر) بالنسبة للاطفال الصغار
و(إديني أطة) عند الجيل القديم من الرجال المصريين (جيل انقرض والحمدلله)
ولو ذهبت للدول العربية ستجد كل دولة لها عادة في التقبيل عند التحية
على عكس الدول الاوروبية تماماً
الذين يرون أن البوسة ما لم تكن للحبيب أو الحبيبة أو الطفل الصغير
فهي جلابة المرض (بوس إيه وقرف إيه يا نيلة إنت)!!

البوس عند المصريين لا ينتهي ، فنحن شعب (مقضيينها بوس)
يتعلم المصري أن يبوس الخدود تحية
وأن بوس الرأس اعتذار ( أحب على راسك يا معلمي)
وان بوس اليد احترام (مع الجد والأب والأم)

أو إتيكيت مع بعض أصناف السيدات
أو مذلة ( أبوس إيدك يا مستر أروح الحمام)
أما أسوأ بوسة فهي تلك التي تتعلق بالمهانة (ما بقاش أنا لو ماخلتهوش يبوس الجزمة)


ولو رجعت للتاريخ فستجد أن موضوع البوس عند المصريين طبيعي جدا، حيث رسم الفراعنة على جدران المعابد أشخاصا يتبادلون القبل ، لكن الواقعة التي يذكرها التاريخ جيداً هي واقعة كليوباترا الملكة المصرية التي كانت تكافئ جنودها الشجعان بتقبيلهم (منين بالظبط لم يذكر المرجع)، وهي العادة التي اندثرت بعدها حيث أصبح الحكام من الرجال الذين سيفهمون حتماً بطريقة خاطئة إذا قال أحدهم لجنوده ما تجيب بوسة) بس طبعاً بالهيروغليفي !!

يذكر كذلك أن المصريين يبوسون أي شئ ، فلو وجدوا لقمة على الأرض يقبلونها (تقبيل النعمة) قبل أن يركنوها على أي جنب، وقد يكون المصريون هم أول من قبلوا المصحف الشريف، كما أن أمثالهم الشعبية وأقوالهم المأثورة لم تخل من البوس ، فهناك بوس الرضا (يا عم عيش عيشة أهلك وبوس إيدك وش وضهر)، بوس الندم (أبوس القدم وأبدي الندم على غلطتي في حق البجم) ، وحتى في الأغاني عرفوا البوسة من أيام عبد الوهاب (بلاش تبوسني في عنيا دي البوسة في العين تفرق) ، ومروراً بوردة الجزائرية (بوسة من الخد دا وبوسة م الخد دا ..تي را را را)، ووصولاً إلى حكيم الذي وصل بالبوس لمرحلة العمليات الانتحارية حيث الغاية تبرر الوسيلة ( هجري عليه وأبوسه) مهما فعل (لو يعمل إيه ..هبوسه) ، وهو البوس الذي يمكن أن يلقي به في السجن لو طبقه فعلاً حيث لا يعترف به بوليس الآداب أو شرطة السياحة.




في السينما المصرية اخترع المخرجون والممثلون المصريون مصطلحاً غريباً هو مصطلح (البوسة الهادفة) لمواجهة عواصف الانتقادات التي تثار ضدهم بين الحين والآخر بسبب زيادة البوس عن معدلاته الطبيعية في الفيلم، وهي بوسة موظفة درامياً (زي موظفة الحكومة كده)، ولابد منها في سياق الفيلم (واحد متجوز واحدة أكيد مش هيعاملها زي أمه ) ، لكن الغريب أن الفئة ذاتها من المصريين -فئة الممثلين والمخرجين- هي التي ابتكرت مصطلحاً آخر غريبا هو مصطلح السينما النظيفة تماما من البوس لدرجة قد تتسائل :لماذا لا يضعون تحذير على الافلام مثل (فيلم خالي من البوس) أو (بوستين في كل مشهد) ؟ ..ويذكر البعض فيلم “ابي فوق الشجرة” الذي أنتج بعد نكسة يوليو الشهيرة والذي احتوى على اكثر من 27 بوسة ، فقد كانت مشكلة عبد الحليم حافظ في الفيلم إنه مش عارف يبوس ميرفت أمين ، وهكذا ولدت الدراما فابتعد عنها ليبوسة نادية لطفي كمية البوس التي دفعت الناس للاندهاش، ودفعت الرئيس جمال عبد الناصر نفسه للسؤال عن الفيلم بدهشة فبل أن يقول -كما نسب له : خلي الناس تنبسط ، ولا ننسى كذلك إفيه سعيد صالح الشهير في مسرحية العيال كبرت :” هتتباس يعني هتتباااااااس”.


على مستوى العالم تستطيع أن تعرف أن إيطاليا في العصور الوسطى كانت تفرض الزواج على الرجل الذي يقبل المرأة في ميدان عام ( يا تتجوزها يا هنعلقك) ،

وسجلت موسوعة جينيس للأرقام القياسية أطول قبلة في التاريخ التي كانت في البرازيل عام 1964 عندما أراد رجل وفتاة تبادل قبلة سريعة (حبكت يعني) فتشابكت دعامات اسنانهما وتعطل المرور عدة ساعات (عشان يحرموا) ،

وتسجل فرنسا معرفتها بالبوسة للدرجة التي تجعلها مضرب المثل (بوسة فرنساوي) ، وهي طريقة تسمى التقبيل العميق نقلوها عن كاماسوترا ، واكتشفوا أنها تحرق العديد من السعرات الحرارية، يعني يمكن استخدامها للتخسيس (في فرنسا طبعاً) ،

وتعتبر بوسة كلارك جيبل لفيفيان لي في الفيلم الشهير “ذهب مع الريح ” هي أشهر بوسة في تاريخ السينما العالمية ، غير أنها جلبت الخلافات بعد ذلك لأن فيفيان لي أكدت أن الأخ جيبل كان واكل بصل (جتك القرف) ،

وهي مشكلة شبيهة بمشكلة بوسة الاخ هيوجرانت للأستاذة جوليا روبرتس في فيلم (نوثنج هيل) حيث سألوا هيو جرانت عن رأيه في البوسة ، فقال إنها بوسة مرعبة لأن فم جوليا روبرتس واسع جداً فشعر بأنها قد تبلعه في أي لحظة




(وانا أقول ياربى مشاكل البلد والبطاله واطفال الشوراع وكل الكوارث دى سببها أيه <<< سيبك انت البوسه عند الشعب المصرى اهم من كل ده )

(انتيم الروح)

الســــلام عليكـــم

كلنا بندور ع شخص يفهمنا
يكون اذا صح التعبير يعني

(انتيم الروح)

ميبعنيش عند اول محطة بارخص تمن
يضحي عشاني لو استوجب الامر كده
والتضحيه مش شرط بحياته
احيانا كتير بتكون التضحيه معنويا
اكبر من قيمتها واقعيا


بنتمنى حد يصبر علينا
يحس بينا قبل ماننطق
الاقيه جمبي قبل مافكر اشوفه فين
جمبي ولو حتى مجرد مستمع لهمومي
لكل اه بتطلع مني قبل ما انطقها
يحس بيها


وقبل مادمعتي تخرج من عيني
يكون هو مستعد انه يمسحها
ويبدلها بسمه

إنســـان يحــبـــك بـــجـــد
_______________________________________


بس المهم قبل كده

فيه سؤال لازم دايما اقف قدامه

عايز وعايز ونفسي واتمنى وكل وسائل وتعابير الطلب والتمني

بس المهم

هل انا كده

هل انا اللي ممكن يضحي؟؟؟
هل انا الشخص الصبور ع تقلبات الطرف الاخر؟؟؟؟
هل انا الشخص الموجود ف الزمن المناسب والمكان المناسب لانتيم روحي؟؟؟
هل انا اللي هقدر امسح دمعة انتيم روحي وابدلها ابتسامه؟؟؟



لو كنت انا ذلك الشخص

فاكيد هستحق وهلاقي اللي يبادلني نفسي الشعور....

نظرية الــ 200 جنيه

رفع المحاضر في إحدى المحاضرات 200 جنيه قال من يريد هذه ؟

رفع معظم الموجودين أيديهم ..
قال لهم: سوف أعطيها لواحد منكم لكن بعد ما أفعل هذا !

قام بكرمشة الورقة ومن ثم سألهم : من يريدها ومازالت الأيدي مرتفعة !
قال لهم حسنا، ماذا لو فعلت هذا ..

فرمى النقود على الأرض وقام بدهسها بحذائه .. ومن ثم رفعها وهي متسخة
ومليئة بالتراب !

سألهم: من منكم مازال يريدها فارتفعت الأيدي مرة ثالثة ؟
فقال: الآن يجب أن تكونوا تعلمتم درسا قيما ..
مهما فعلت بالنقود فمازلتم تريدونها لأنها لم تنقص في قيمتها فهي
مازالت200 جنيه

________________________

اوقات كتير من حياتنا بنقع ع الأرض ...

وبننكمش ع نفسنا وبنتراجع بسبب القرارات اللي خدناها ف حيتنا ..

أو بسبب الظروف المحيطه بينا ..

_________________________

مابناخدش بالنا انه مهما حصل فأنت مش بتفقد قيمتك ..
لأنك شخص مميزحاول أن متنساش ده أبدا !
متخليش وقعات امبارح تأثر على بكرة..
لأن قيمه الشيء بتحدده انت..
فلاوم تختار لنفسك افضل قيمه مش ارخصها..

عمركش زقيت الحيطة؟؟

عمركشي (ع صيغه مقولكشي:11:) زقيت الحيطة؟؟؟

اكيد عمرك ما هتحاول مجرد المحاوله انك تزقهااهي الحيطه دي بقي اعتبرها حلم حياتك
ما هو كلنا عندنا احلام نفسنا نوصللها بس لو اعتبرنا الحلم هدف
يبقي ممكن نحققه وبالاراده هنحققه

اتنين بيحبوا بعض (شايف وشوش احمرت:6:)والظروف لسه مسمحتش انهم يرتبطوا رسمي
لو الشاب هنا حط البنت دي هدف عايز يوصلله يبقي هيشتغل وهيطلع عينه كمان علي ما يوصللها
وهيوصللهاوساعتها هيكون حاول يزق الحيطه

ولاد وبنات كتير شايفين ان اهاليهم متزمتين اوي (بابا قاسي قوي قوي,, بابا مبيرحمش:b0:)
يعني بيقسوا عليهم دايماوللاسف تسأل اى واحد او واحده فيهم عن السبب
يقوللك من غير سبب هو بابا كده عنده كل حاجه لا بس لو كل ولد وكل بنت فكر يقعد يتكلم مع اهله بهدوء حط التفاهم مع اهله هدف له
يحاول يقنعهم انه من جواه عارف فين الصح وفين الغلط ساعتها ممكن موقف الاهل يتغير
وتزيد الثقه والتفاهم في نفس الوقت ويبقي حاول يزق الحيطه

شاب حياته متأسسه علي المخدرات (ضريب ماركة سرنجه.2.)
يصحي الصبح ينزل من بيتهم علي المكان اللي فيه صحابه
ويفضل معاهم يشربوا مخدرات لحد باليل يرجع بيتهم
ينام ويصحي تاني يوم يعيد اللي عمله اليوم اللي قبله
وعلي كده تفوت سنين شبابه اللي هي المفروض احلي سنين عمره
علي الفاضي
وكل ده عشان هو شايف انه خلاص ميقدرش يبطل الادمان ده
شايف ان الادمان حيطه مبتتزقش
مع انه لو فعلا قرر يبطل اللي بيشربه ده
هيقدر ومش بس هيزق الحيطه
لا ده هيهدها

المخدرات حيطه
البطاله حيطه
غياب الثقه حيطه
الظروف حيطه

كل دي حيطان بنلاقيها في وشنا
واقفه بتستفز ارادتنا
رافضه تخلينا نكمل طريقنا
فينا اللي عمره ما بيفكر يزقها
وفينا اللي بيحاول عشان علي الاقل يبقي نال شرف المحاوله
وفينا اللي بيهدها
وهو ده اللي بيكمل طريقه زي ما بيحلم

Begin with the End in Mind

ماذا تعني ؟؟
تعني أن تتخيل نهاية حياتك كيف ستكون , كيف تريدها

و تبدأ بالعمل على هذا الأساس ,
من الممكن أن نكون مشغولين و نعمل لكن بلا هدف واضح لينا في النهاية,:19:
إنما لا يمكن أن نكون فعالين إلا إذا ابتدأنا العمل و في عقلنا صورة نهايته :70: التي حددناها نحن
و التي ستحفزنا للوصول إلى تلك النهاية .

يعني ايه ياعم
بطل فلسفه قرفتنا:v5:


وضع الهدف و التصور النهائي لحياتنا الناجحة قبل البدء فيها بيساعدنا على الوصول للنتائج المرجوة منها ,
فوضع الهدف و كتابته هو 50% من تحقيق الهدف , لأن عقلك بعد الكتابة سيركز تلقائيا على الهدف ,


احنا عامة حياتنا ماشية زي الرسمة دي



مش عارفين نحدد اتجاه مناسب
بمعنى ادق

مش عارفين اول الخيط فين واخره

عشان كده وجدوا (علماء النفس ) ان ممكن نطبق الرسمة دي



ركز بقا ولما تفهموا قولولي فهمتوا ايه
مش هقعد اشرح انا.19.

وهي بسيطه خالص على فكرة:45:

ابدأ بما انتهى إليه عقلك


شفتوا ؟ سهلة خالص .15. شكة دبوس .... :15:

ودي للي عايز يفهم اكتر

http://www.profitadvisors.com/beg_end.shtml